ويكيبيديا مصري مشروع موسوعه حره زي الويكيبيديا الي كلنا بنعرفه.. بس الفرق هو ويكيبيديا مصري تكون مكتوبه بالمصري وبطريقه يكون فيها اي مصري يعرف يقراها .
ابتدا مشروع ويكيبيديا مصري الرسمي في 24 نوفمبر من سنة 2008 بعد ماتوافق عليها في 23 يوليله في ويكيمانيا في الاسكندريه
ويكيبيديا مصري فيها 4481 مقالة دلوقتي
وكل واحد فينا يقدر يكتب في ويكيبيديا عربي بس بشرط تكون مكتوبه بالمصري الي يتكلمه المصريين ومكتوبه زي مابيكتبوها في جواباتهم ومسرحياتهم.
في مناقشات كتيره حصلت لويكيبيديا
في ناس كتير بيأيدوا وبيقولوا ان اللغه المصري لغه مفهومه وبيتكلمها ملايين ومعترف فيها وفيه ناس كتير برا مصر بيتكلموها ويحبوا يكتبوا بيها
وفي ناس اعترضوا وقالو ان الويكيبيديا المصري مالهاش لازمه وانو اللغه المصري قاصره وركيكه وانو فيه موتضيع حساسه ماينفعش الكلام فيها باللغه المصري
وفي ناس كمان كانو محايدين وبيقولو انه ويكيبيديا مصري لا هاتقدم ولا هتأخر
وانا بشوف انه ويكيبيديا مصري مشروع جميل جدا حيساعد المصريين وغير المصريين انهم يتعلموا ويقروا مواضيع تهم المصريين
Subscribe to:
Post Comments (Atom)
No comments:
Post a Comment