تقريرعن موسوعة ويكيبيديا المصري =) :-
أولاً ايه هو ويكيبيديا مصري؟؟
هو زي مشروع موسوعه حره ,اى حد ممكن يساهم فى كتابتها و مكتوبه بالمصرى بطريقه اى مصرى يعرف يقراها.ويكيبيديا مصرى فيها 4,481 مقاله دلوقتى. (مقتبس)
وفي نفس الوقت في ويكيبيديا عربي , بس الموقع او مشروع الموسوعه بشكل عام يشمل اكتر من 260 لغه وفين المشكله لو كانت اللغه المصريه وحده منهم.
المشروع اتنفز بشكله الرسمى فى 24 نوفمبر 2008 , وقبله كانت الاقتراحات ووضع الفكره زاتها ..
وفي فتره بسيطه اوي قدرت الموسوعه انها تحط 4000 مقاله بتتكلم عن مناقشات ومواضيع مختلفه
بس ايه هيه طرقه الكتابه؟؟
زي منتا عاوز .. بس بالمصري
يعني باللهجه اللي بيتكلم بيها المصريين و مكتوبه زى ما بيكتبوها فى جواباتهم لبعضيهم و فى حياتهم اليوميه. المصريين بيكتبو المصرى فى الروايات، و المسرحيات ، و القصايد الشعبية و كمان فى المجلات الكوميدى و الإعلانات و شويِة جرايد. ممكن تكتب المصرى بأى طريقة طالما أى مصرى ممكن يفهمها.
بس الشغل ده والمشروع ككل كان له نقاد...
كانوا يقولوا مش فيه عربي , ليه كمان مصري؟؟ بس انا حلخص الاونطه دي في تلات اقسام:
•ميؤيدين بيقولوا : - اللغه المصرى لغة مفهومة بيتكلمها ملايين و معترف بيها و رمز للمصريين ومش ركيكه والدليل ان المشروع اتنفز.
- اللغه المصرى هى أول لغه بيتعلمها المصريين من ابهاتهم و امهاتهم.
- المصرى لغه سهله و بسيطه و متطوره و زى اى لغة حية بتتطور كل يوم و تطورها نابع من الناس
•المعارضون يبقولوا: - ويكيبيديا مصرى مالهاش لازمه.
-اللغه المصرى قاصرة و ركيكة.
-فيه مواضيع حساسة ماينفعش الكلام فيها باللغه المصرى .
•المحايدين يقولوا: - المحايدین بيقولو ويكيبيديا مصرى لاهاتقدم و للا هتأخر.
ان شاء الله عجبكم التقرير^^
Subscribe to:
Post Comments (Atom)
No comments:
Post a Comment